Қош келдіңіздер!

Алматы қаласы Білім басқармасы Медеу ауданы білім бөлімінің 2-7 сынып оқушыларына арналған "Зерде" Республикалық конкурсының аудандық кезеңінің химия- биология секциясы бойынша қатысушысы Эрик Айсана мақтау қағазымен марапатталды. Жетекшісі: Адильбаева Шынар Быдыбаевна

Қоршаған ортаны абаттандыруға жанашырлық танытып, туған жерді аздырмай, қолдан келгенше көркейтіп көгалдандыру әрбір адамның міндеті болса, үлкен адамгершілік және игі іс. Қашанда халық үшін ауыл – руханияттың темірқазығы, ұлттық құндылықтардың алтын бесігі, береке-байлықтың бастауы. Туған жерінің ауасын жұтып, суын ішіп, табиғатынан қуаттанған әрбір азамат өз ауласын, өз қаласын таза ұстап, қадірлеуі тиіс.

Тазалық – адамның рухани, мәдени жетілу деңгейінің, кісілігі мен тәрбиесінің маңызды көрсеткішінің бірі. Қоршаған ортаның тазалығы да адам өміріне әсер етеді. Таза ортаның табиғаты да, ауасы да адам жанына жылулық ұялатады. Әрқашан қоршаған ортамызды таза ұстап, табиғаттың сұлулығын көрсетуіміз керек.

“Таза мектеп, таза аула.” Мақсаты: Қоршаған ортаны таза ұстап, болашақ ұрпаққа таза табиғат әлемін қалдыру үшін өзіміздің ісімізге салғырттық танытпауды үйрену.

Табиғат – адамзат өмір сүріп жатқан орта, ортақ үй, ортақ мекен. Адам мен табиғат – егіз ұғым. «Ағаш жапырағымен, жер топырағымен көрікті» дейді халқымыз. Табиғат көркейіп, желегі жасыл тартса, адамның да тынысы кеңейіп, көңілі көтерілері анық. Осы орайда мектеп-интернатымыздың 10 “а”, “б” сынып оқушылары қоғамдық жұмысқа бір кісідей ат салысып, тазалық жұмысына қатысты.

«Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен оқушылар, ұжымдастар ерекше белсенділік танытуда.

Елімізде «Таза Қазақстан» республикалық экологиялық айлығы аясында «Таза өлке» тазалық жұмыстары өтуде.

“Тазалық-денсаулық кепілі” осы орайда мектеп-интернатымызда тазалық жұмыстары апта сайын жүзеге асуда. Мақсаты: Айналаны қоршаған ортаны таза ұстаудағы оқушының жауапкершілігін арттыру. Тазалыққа көңіл бөле білуге, тазалық сақтаудың маңызын түсінуге ықпал ету. Отанын, жерін сүюге, еңбексүйгіштікке тәрбиелеу.

Елімізде «Таза Қазақстан» республикалық экологиялық айлығы «Таза өлке» апталығы аясында мектеп-интернатымызда тазалық жұмыстары жүргізіліп жатыр.